លោក អ៊ែន ប៊ី ពីធីករទូរទស្សន៍ MYTV បើករថយន្តបុកគេហើយបើករត់តែត្រូវប៉ូលីសដេញចាប់បានវិញ
26-December-2015 | ដោយ មួយឡា
ភ្នំពេញ៖ នៅវេលាម៉ោងជាង ១២យប់ ថ្ងៃទី២៥ ខែធ្នូ ឆ្នាំ២០១៥ លោក អ៊ែន ប៊ី ពីធីករទូរទស្សន៍mytv រួមនិងមិត្តភក្តិម្នាក់ទៀតបាន បើករថយន្ត Lexus Rx 330 ពណ៌សមួយគ្រឿង ពាក់ស្លាកលេខភ្នំពេញ 2AG-2312 ទៅបុកម៉ូតូឌ្រីមសង់មួយគ្រឿង បណ្តាលឲ្យ នារីពីរនាក់រងរបួសធ្ងន់ធ្ងរនៅជិតស្ថានីយប្រេងឥន្ធនៈ Total ក្បែរវត្តភ្នំ ស្ថិតក្នុងសង្កាត់វត្តភ្នំ ខណ្ឌដូនពេញ។
បើតាមសំដី និងមន្ត្រីនគរបាលចរាចរណ៍ បានឲ្យដឹងថាមុនពេលកើតហេតុ លោក អ៊ែន ប៊ី បានបើករថយន្តមិនដឹងមកពីណានោះទេ លុះដល់ចំណុចកើតហេតុ ក៏មាននារី ២នាក់បានបើកម៉ូតូមកដល់ដែរ ហើយទុចដំណើរគ្នា ទើបរថយន្តរបស់លោក អ៊ែន ប៊ី បុកម៉ូតូពេញទំហឹង។
បន្ទាប់ពីបុកបណ្តាលឲ្យនារីពីរនាក់រងរបួសហើយពិធីកររូបសង្ហាមិនបានឈប់រថយន្ត ដើម្បីដោះស្រាយឬជួយនារីទាំងពីរនាក់នោះទេ លោកបានព្យាយាមបើករថយន្តគេចខ្លួន ទាំងរថយន្តធ្លាក់បាត់កាងខាងមុខនិងស្លាកលេខ។ បើទោះបីជាខំប្រឹងបើករត់តាំងពីវត្តភ្នំ រហូតដល់ផ្លូវលេខ១៥៦ម្តុំផ្សារដេប៉ូ ស្ថិតក្នុងសង្កាត់ផ្សារដេប៉ូទីមួយក៏ដោយ នូវតែត្រូវបានកម្លាំងនគរបាលខណ្ឌទួលគោកដេញចាប់បានទាំងរថយន្តនិងពិធីកររូបនោះផងដែរ៕ ដោយ មែន កំសត់
ចំនួនអ្នកទស្សនា
- ថ្ងៃនេះ1421
- ម្សិលមិញ12561
- សប្តាហ៍នេះ29371
- ខែនេះ51251
- ឆ្នាំនេះ51251
- សរុប20493707